meer oor ons

Wat om te verwag Tydens die Erediens?

Gratis filter koffie in die kuier area voor en na die diens.

Vriendelike mense. Vra gerus vir en die gasvryheid-span by die ingange indien jy enige hulp of inligting benodig.

Gemaklike en ontspanne atmosfeer en informele kleredrag.

‘n Veilige en pret belaaide omgewing vir jou kinders.

Daar is Kinderstad vir 3 jaar (reeds van doeke af) tot graad 7 en Radikaal vir hoërskool kinders waar jou kind op hulle vlak bedien word.

Relevante en praktiese preke wat jou in staat stel om die Woord wat lewendig word, te lewe. Die dienste is tipies 60 minute lank.

Ons droom

Collage is ŉ gemeente met ŉ droom dat ons mense kan ontwikkel wat die wêreld verander, ŉ kerk kan bou wat ŉ hele stad beïnvloed en dat ons saam ŉ stad kan wees op ŉ berg waarvan die lig nie weggesteek kan word nie.

Ons wil jou nooi en verwelkom om deel te word van die droom.

Ons skep geleentheid waar jy op ‘n eenvoudige, eg en ‘n onweerstaanbare wyse God op ‘n weeklikse basis kan ervaar.

Ons skep ook ruimte om elke persoon in hulle spesifieke lewensfase te akkomodeer met die doel om hulle te motiveer en bemagtig om passievol en voluit te lewe.

Geloofsbelydenis

Wat ons glo?

Collage Gemeente is ‘n geloofsgemeenskap wat onwrikbaar gegrond is in die Bybel as die fondament van ons leer en praktyk. Collage staan vas in die oortuiging dat God se Woord die onfeilbare gids is vir elke aspek van ons geloofslewe en bediening.

Ons glo in die Drie-eenheid – Ons glo in God as Vader, Seun en Heilige Gees, drie persone, maar een wese, wat in perfekte eenheid bestaan.
Ons glo in God die Vader, die Almagtige, die Skepper van die hemel en die aarde.
Jesus Christus as God – Ons erken Jesus Christus as waarlik God en waarlik mens, die enigste Verlosser van die wêreld. Sy lewe, dood, opstanding en Hemelvaart is die grondslag van ons hoop en ons redding.
Ons glo in die Heilige Gees; wat aktief in en deur die lewe van gelowiges werk, ons bemagtig met geestelike gawes.
Ons glo in die heilige algemene Christelike kerk, die gemeenskap van die heiliges; wat funksioneer as Christus se liggaam op aarde.
Ons glo in die vergifnis van sonde en die wedergeboorte waardeur mense kinders van God word.
Ons glo in die Wederkoms van Jesus in twee stadia, die eerste die wegraping en die tweede die algemene wederkoms.
Ons glo in die opstanding van die vlees;
Ons glo in die ewige oordeel (Wit Troon Oordeel)
Ons glo in die ewige lewe.

Waardes

Wat belangrik is vir ons?

In Collage wil ons elkeen toerus om voluit te lewe. Deur aanbidding om God te vereer, ‘n verskil te maak deur dienswerk, in verhouding te leef deur gemeenskap en voluit te leef deur heel te wees.

Aanbid
Ons strewe is om ‘n ruimte en ‘n atmosfeer te skep waar jy God kan aanbid.

Dien
God het elkeen van ons geskape met ‘n spesiale vermoë om te dien en sodoende sy hart te demonstreer. Dit is iets wat ons gee, dit vloei uit ons hart en dit is ‘n integrale deel van ons menswees.

Behoort
Om deel van die gemeente deur fellowship te wees

Heelheid
Heelheid beteken om deur verhouding jou lewe te omhels. Dit beteken dat jy God, jouself en jou naaste sal liefhê, ‘n gelukkige en vervulde lewe sal lei.