Vrywilligers

As Christene, het elkeen van ons ‘n roeping om ander te dien. By Collage is Vrywilligers vir ons baie belangrik. Hulle vorm deel van ons geloofsfamilie wat ons help om die Koningryk van God te vergroot en te dien. Die suksesvolle funksionering van ‘n gemeente hang af van vrywilligers en vorm deel van die DNA van die kerk. Sonder vrywilligers sal ons eenvoudig nie kan doen wat ons doen nie. Om ‘n kind te hoor wat na maande se Kinderstad sy hele hart aan die Here toewy, is iets wat geen vrywilliger ooit sal vergeet nie of om saam met iemand te bid wat vir maande al wag vir ‘n deurbraak. Maak nie saak watter rol jy as vrywilliger speel nie, ons wil seker maak dat jy weet hoe jy inpas by die groter prentjie en hoe groot ‘n verskil jou bydrae maak.

Indien jy sou belangstel om ‘n Vrywilliger by Collage te wees is die volgende inligting belangrik: Ons almal begin by die Gasvryheid vir ‘n maand (elke tweede Sondag – vrywilligers is elke tweede week aan diens), waar ons om 08:00 bymekaar kom, ons waardes deel en saam bid en ‘connect’ met mekaar. Die doel hiervan is dat jy ander vrywilligers leer ken ek iets beleef van die hart van Collage.

Na die maand word jy indien dit so verkies blootgestel in ander areas van die kerk om te vas te stel waar in Collage God jou wil gebruik.  Dis vir ons belangrik dat alle vrywilligers deel voel van die span en dat die gemeente jou leerken.

melt aan

Voltooi die onderstaande vorm.

raak deel

Leerken Collage en mekaar

dien

Maak ‘n verskil

Ek wil betrokke raak