Aanbidding: Kom loof en prys die Here saam met ons. Ons gaan geleenthede skep om ook stil te word en die stem van die Here te hoor. Geestelike Insette: Daar gaan verskillende sessies wees wat ons gaan inspireer en bemoedig om ons geloof te versterk (meer inligting en die program sal volg). Ontspan: Ons gaan kreatief wees, swem, stap en net lekker ontspan.
Daar is beperkte plek beskikbaar, bespreek asseblief vroegtydig om teleurstelling te voorkom. Moenie hierdie spesiale geleentheid misloop nie. Ons sien uit daarna om jou daar te sien!
Vir meer inligting, besoek die webtuiste of skakel gerus vir Tersia of Michelle – 012 345 1181
Dames, dit is jou tyd om weg te breek van die geraas van die alledaagse lewe en nader te kom aan die Een wat jou die meeste liefhet. By vanjaar se vrouekamp gaan ons ruimte skep om te rus, te verfris en om God se stem op ’n dieper manier te leer herken.
Deur bemoedigende sessies, lofprysing en aanbidding, stil oomblikke saam met Jesus, en die vreugde om saam te wees, gaan ons leer om in te leun en te hoor wat God vir elkeen van ons sê. Jy sal versterk, aangemoedig en herinner word dat jou Herder praat, persoonlik en liefdevol, reg in jou hart.
Kom met ’n oop hart en verwag dat God jou op ’n besondere manier gaan ontmoet. En natuurlik gaan daar ook baie lag, nuwe vriendskappe en kosbare herinneringe wees.
Jeremia 33:3 “Roep My aan, en Ek sal jou antwoord en jou groot en ondeurgrondelike dinge bekend maak wat jy nie weet nie.”
Die Vrouekamp vind plaas by Die Hoekie naby Brits 56 km vanaf Collage Gemeenskapskerk. Die terrein is ‘n pragtige natuur skoonheid en het ‘n groot ontspannings area met ‘n swembad, volleyball baan, staproetes ens. 4 tot 6 Dames bly in ‘n Chalet of Rondawel. Alle etes gaan bedien word in die eetsaal. Daar is ‘n Staproete wat vooraf gereël word die Saterdag middag, indien jy wil saam gaan stap.
Die koste sluit die verblyf en 5 etes in. Vervoer sal onder mekaar gereël word en sal R 100 per persoon uitwerk afhangende van die voertuig.
